ស្ងោរមឹុកឆៃថាវ

គ្រឿងផ្សំ
- មឹុកបំពង់
- សាច់ជ្រូក
- បង្គាក្រៀម
- ឆៃថាវ កាត់ដុំៗ
- ខ្ទឹមសចិញ្រាំអោយម៉ត់
- ស្ករស ម្សៅស៊ុប ម្រេច អំបិល
- ស្លឹកខ្ទឹម ជីវ៉ាន់ស៊ុយ
វិធីធ្វើ
- មឹុកយកមកធ្វើអោយស្អាត ដកក្បាលចេញ ( ភ្នែកមឹុកត្រូវខ្វេះចេញ ដើម្បីកុំអោយបែកចេញពណ៍ខ្មៅ) ខ្លួនមឹុកយកមកឆូតបន្តិច ហើយនិងក្បាលមឹុក យកមកចិញ្ចាំចូលគ្នាជាមួយសាច់ជ្រូកអោយម៉ត់
- យកសាច់ដែលចិញ្រាំចូលគ្នាម៉ត់ហើយ មកលាយគ្រឿង ស្ករស ម្សៅស៊ុប អំបិល ម្រេច បង្គាក្រៀម និង ខ្ទឹមសចិញ្ច្រាំ រួចច្របល់ចូលគ្នាអោយសព្វចូលជាតិ
- បន្ទាប់មកយកមកញាត់ក្នុងមឹុកដែលយើងបានធ្វើស្អាតហើយអោយណែនពេញ បន្តធ្វើរហូតអស់មឹុក
- ដាក់ដាំទឹកទុកអោយពុះ រួចដាក់មឹុកចូល ស្ករស អំបិល ម្សៅស៊ុប ម្រេច និង បង្គាក្រៀម រួចទុកអោយពុះម្ដងទៀត សឹមភ្លក់មើលអោយល្មមតាមការចូលចិត្ត ហើយដាក់ឆៃថាវចូល ទុកអោយឆ្អិនហើយ លើកចេញ ទើបដាក់ស្លឹកខ្ទឹមនិង ជីវ៉ាន់ស៊ុយចូល រួចជាការស្រេច ។